O‘zbekiston Xalq demokratik partiyasi Qo‘shko‘pir tuman kengashi tomonidan partiya guruhlari o‘rtasida “Eng faol deputat” ko‘rik-tanlovi yuqori saviyada tashkil etildi.
Mazkur tanlov O‘zbekiston XDP Markaziy Kengashi ijroiya qo‘mitasining 2025-yil 12-sentabrdagi qarori hamda viloyat Kengashi reja topshirig‘i ijrosini ta’minlash maqsadida o‘tkazildi.
Tadbirning faxriy mehmonlari va ishtirokchilari:
Tadbirda viloyat va tuman darajasidagi mas’ullar hamda hamkor tashkilot vakillari ishtirok etishdi:
- Ulug‘bek Qo‘chqorov — O‘zbekiston XDP Xorazm viloyati kengashi rais o‘rinbosari;
- Nazokat Masharipova — O‘zbekiston XDP Xorazm viloyati kengashi axborot xizmati rahbari;
- O.O. Yusupova — O‘zbekiston XDP Qo‘shko‘pir tuman kengashi raisi;
- Tuman axborot-kutubxona markazi ishchi-xodimlari.
Tanlov natijalari:
Deputatlar o‘z faoliyatlari, saylovchilar bilan ishlash tizimi va ijtimoiy tashabbuslari bo‘yicha o‘zaro bellashdilar. Hakamlar hay’atining yakuniy natijalariga ko‘ra:
🥇 1-o‘rin: Sattarova Dinora Jumanazarovna — 1-Qo‘shko‘pir saylov okrugi deputati.
Tanlov g‘olibi o‘zining faolligi va xalq manfaatlarini himoya qilishdagi samarali mehnatlari bilan munosib deb topildi.