Qo‘shko‘pir tumani Axborot-kutubxona markazida “INFOLIB – O‘ZBEKISTON 2025” XIV Milliy axborot-kutubxona haftaligi doirasida ko‘tarinki ruhdagi tadbir bo‘lib o‘tdi.
Respublika ma’naviyat va ma’rifat markazi tuman bo‘limi hamda Maktabgacha va maktab ta’limi tuman bo‘limi bilan hamkorlikda “O‘zbekiston yoshlari – yurt ravnaqi, kelajak sizniki!” mavzusida “Zakovat” intellektual o‘yini tashkil etildi.
Ishtirokchi jamoalar:
Bellashuvda tumanimizdagi umumta’lim maktablarining eng bilimdon yoshlari o‘zaro kuch sinashdilar:
- “Yuksalish” jamoasi (1-sonli IIM)
- “Yoshlar” jamoasi (4-sonli AFCHO‘M)
- “Mahmud Zamaxshariy” jamoasi (11-sonli maktab)
- “Zukkolar” jamoasi (20-sonli maktab)
G‘oliblar va natijalar:
Murosasiz va qizg‘in kechgan bahslar natijasiga ko‘ra o‘rinlar quyidagicha taqsimlandi:
| 🥇 1-o‘rin | “Yuksalish” | 1-sonli IIM |
| 🥈 2-o‘rin | “Zukkolar” | 20-sonli maktab |
| 🥉 3-o‘rin | “Yoshlar” | 4-sonli AFCHO‘M |
| 🥉 3-o‘rin | “Mahmud Zamaxshariy” | 11-sonli maktab |
Taqdirlash: G‘olib jamoalar Axborot-kutubxona markazi tomonidan I, II va III darajali diplomlar bilan tantanali ravishda taqdirlandilar.
