Qo‘shko‘pir tumani Axborot-kutubxona markazida o‘zbek xalqining ardoqli shoirasi, sadoqat va vafo timsoli Zulfiyaxonim tavalludining 111-yilligi munosabati bilan ma’naviy-ma’rifiy kecha tashkil etildi.
“Zulfiyaxon – ezgulik va yaxshilik kuychisi” mavzusidagi ushbu she’rxonlik kechasida tuman Maktabgacha va maktab ta’limi bo‘linmasiga qarashli №2-25-sonli umumiy o’rta ta’lim maktablarining eng faol kitobxon o‘quvchilari ishtirok etishdi.
Tadbir davomida o‘quvchilar tomonidan:
* Shoiraning qalamiga mansub otashin she’rlar mahorat bilan o‘qildi;
* Zulfiyaxonim hayoti va ijodiga oid qiziqarli ma’lumotlar yosh kitobxonlar e’tiboriga havola etildi;
* Shoira ijodidagi sadoqat, ona tabiatga bo‘lgan muhabbat va insoniylik tuyg‘ulari haqida fikr-mulohazalar yuritildi.
Ushbu tadbir yosh avlod qalbida ona tilimizga va milliy adabiyotimizga bo‘lgan hurmatni yanada yuksaltirishga xizmat qildi.
